യേശുവേ! പീഡിതർക്കാശ്രയമേ!
നന്മ നിറഞ്ഞവനേ!
ഭൂവിതിലെങ്ങും നിറഞ്ഞവനേ!
വഴി കാട്ടണമേ പരനേ!
അഗതികൾക്കാശ്രയമേകിയീ ഭൂമിയിൽ
അവികലസ്നേഹം വിതച്ചനേ
അടി പതറാതെ നയിച്ചിടും ഞങ്ങളെ
അവിടുത്തെ സുവിശേഷങ്ങൾ
അൾത്താരയിൽ നിൻറെ ക്രൂശിതരൂപത്തിൽ
അത്താണി തേടുന്നു ഞങ്ങൾ
ആ ത്യാഗവൈഭവം നിത്യം സ്മരിക്കുന്നു
സത്യദയാപരനേ! മുക്തിപ്രദായകനേ!
സ്വർഗസ്ഥനായ പിതാവിൻറെ പുത്രനായ്
മർത്ത്യനായ് വന്നു പിറന്നവനേ!
മർദ്ദിതപീഡിതകോടികൾക്കാശ തൻ
പൊൻതാരമായ് വന്നുദിച്ചവനേ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ