യേശുവേ ജയിക്ക സ്നേഹദായകാ

 യേശുവേ! സ്നേഹദായകാ!

ശാശ്വതം നിന്റെ ദർശനം

യേശുവേ ജയിക്ക സ്നേഹദായകാ

ശാശ്വതം സനാതനം നിന്റെ ദർശനം

ഇരുളടഞ്ഞ വഴികളിൽ നീയണഞ്ഞു ദീപമായ്

ഇടറി വീണിടാതെ നീ നയിച്ചു ഞങ്ങളെ  
വഴിയറിഞ്ഞിടാതുഴന്നൊരജകുലത്തിനഭയമായ്

മനുജനായി മണ്ണിലേയ്ക്ക് വന്നു നല്ലൊരിടയനായ്

നന്മകൾ തിരിച്ചറിഞ്ഞ് തിന്മയെ ത്യജിക്കുവാൻ

നല്കി നീയനുഗ്രഹം ഗുരൂപദേശമായ്

കല്മഷങ്ങൾ നീക്കി നീയനുഗ്രഹിച്ചു ലോകരെ

നന്മയിൽ നീ നയിച്ചു നീ പ്രബോധനങ്ങളായ്

പാപികൾക്കുമാശ്രയം കൊടുത്തു നീ മഹോന്നതൻ

മാനസാന്തരം വരുത്തി മാപ്പു നല്കി നീ

ക്രൂശിലേറി മന്നിതിന്റെ പാപമൊക്കെ നീക്കുവാൻ

യേശുനാഥ! വെൽക വെൽക  നീ അനശ്വരൻ

വിശ്വസിപ്പവർക്കു നീ കൃപാവരങ്ങളേകിടും

വിജ്ഞരാക്കിടും വിശിഷ്ട വചനമേകി നീ

വിശ്വമാകെ കാത്തിരിപ്പു നിൻ വരവിനായിതാ

വിശ്വനായകാ! വരേണം വീണ്ടുമൂഴിയിൽ