എന്റെ ഹൃദയമാമൾത്താരയിൽ
നിന്റെ രൂപം തെളിയുന്നിതെന്നും
നിന്നിലലിയുന്ന നേരം ദേവാ!
മന്നിടമാകെ മറന്നിടും ഞാൻ
എന്നെത്തന്നെ മറന്നിടും ഞാൻ
മർത്ത്യനായ് വന്നു ജാതനായ് ഭൂമിയിൽ
നിത്യതയ്ക്കേകി ദിവ്യാമൃതം നീ
ഭക്തിയോടെന്നും നിൻ സന്നിധി പൂകുവാൻ
സത്യസ്വരൂപാ! കഴിഞ്ഞിടേണം
സ്വർഗത്തിലെപ്പോൽ ഭൂമിയിലും നിന്റെ
സർഗചൈതന്യം നിറഞ്ഞിടേണം
നിൻതിരുനാമം വാഴ്ത്തപ്പെടേണമേ
നന്മയിതെങ്ങും നിറഞ്ഞിടേണേ!
