മനുഷ്യപുത്രൻ വന്നു പിറന്നു
മാലോകർക്കു വരം നല്കാൻ
ഉദിച്ചു ഭൂമിയിൽ ദൈവത്തിൻ കൃപ
സ്തുതിച്ചു പാടുക നാം
പതിതരിലലിവിൻ കതിർ ചൊരിയുന്നവൻ
അവനിയിലേതിനുമധിപനിവൻ
ശ്രിതജനപാലകനജകുലനാഥൻ
ഹിതകരനേശുമഹേശൻ
പരമപവിത്രമിതഖിലം മിശിഹാ-
ചരിതം വാഴ്ത്തിടുവിൻ
മതിവരുവോളം നമുക്കു പാടാം
യേശുവിനപദാനങ്ങൾ
കനിവിന്നുറവേ കരുണാലയമേ
വരമരുളീടണമേ
ജനിമൃതി ഭുവനേ ജീവനമെല്ലാം
നിൻതിരുദാനങ്ങൾ